پۆستی سه‌رۆكایەتی زانكۆی ڕاپه‌ڕین

وه‌زاره‌تی خوێندنی باڵاو توێژینه‌وه‌ی زانستی پۆستی سه‌رۆكایه‌تی كردنی زانكۆی ڕاپەڕین ڕاده‌گه‌یه‌نێت.

مه‌رجه‌كان:

1. هه‌ڵگری بڕوانامه‌ی دكتۆرا بێت.

2. پله‌ی زانستی له‌ پرۆفیسۆری یاریده‌ده‌ر كه‌متر نه‌بێت.

3. خزمه‌تی ئه‌كادیمی له‌ 10 ساڵ كه‌متر نه‌بێت.

4. له‌ بواری كارگێڕیدا خاوه‌نی توانست و شاره‌زایی بێت.

ئه‌رك‌ و ده‌سه‌ڵاته‌كانی سه‌رۆكی زانكۆ:

    * یه‌كه‌م: سه‌رۆكایه‌تی كۆبوونه‌وه‌كانی ئه‌نجومه‌نی زانكۆ ده‌كات و ئه‌ندامانی ئه‌نجومه‌ن بانگهێشت ده‌كات بۆ كۆبوونه‌وه‌ ئاسایی و نائاساییه‌كان, هه‌روه‌ها به‌رپرسیاره‌ له‌ جێبه‌جێكردنی بڕیاره‌كانی ئه‌نجومه‌نی زانكۆ و هەروەها له‌ به‌رامبه‌ر لایه‌نه‌ نێوخۆیی و ده‌ره‌كییه‌كان نوێنه‌رایه‌تی زانكۆ ده‌كات .

    * دووه‌م: سه‌رۆكایه‌تی به‌ڕێوه‌بردنی كاره‌ زانستی و كارگێڕییه‌كانی زانكۆ ده‌كات له‌به‌ر ڕۆشنایی یاساو ڕێنماییه‌ په‌یوه‌ندیداره‌كان دا.

    * سێهه‌م: سه‌رۆكی زانكۆ به‌رپرسیاره‌ له‌ به‌ڕێوه‌بردنی ته‌واوی موڵكه‌ گواستراوه‌ و نه‌گواستراوه‌كانی زانكۆ له‌ چوارچێوه‌ی یاساو ڕێنماییه‌ كارپێكراوه‌كان دا.

    * چوارهه‌م: سه‌رۆكی زانكۆ بۆ خزمه‌تكردنی زانكۆ، گرێبه‌ست له‌گه‌ڵ كادری زانستی و هونه‌ری بیانی ده‌كات .

    *  پێنجه‌م: سه‌رۆكی زانكۆ بڕیار ده‌دات له‌سه‌ر ناردن و خواستن (اعاره‌)ی مامۆستا وبڕیاری به‌خشینی مۆڵه‌تی خوێندن ده‌دات له‌به‌ر ڕۆشنایی ڕاسپارده‌ی ئه‌نجومه‌نی كۆلێج یان په‌یمانگا.

    * شه‌شه‌م: بڕیاری دامه‌زراندنی سه‌رۆك به‌ش و و یاریده‌ده‌ری ڕاگره‌كان ده‌رده‌كات له‌سه‌ر بنه‌مای پاڵاوتنیان له‌لایه‌ن ڕاگری كۆلێج یان په‌یمانگاكان.

    * حه‌وته‌م: بڕیاری به‌رزكردنه‌وه‌ی پله‌ی فه‌رمانبه‌رانی زانكۆ ده‌دات.   

* هه‌شته‌م: سه‌رۆكی زانكۆ ده‌توانێت هه‌ندێك له‌ ده‌سته‌ڵاته‌كانی ببه‌خشێته‌ ڕاگره‌كان یان یاریده‌ده‌ره‌كانی یان هه‌ر ئه‌ندامێكی تری زانكۆ كه‌ به‌ پێویستی بزانێت.

تێبینی

پێویسته‌ داواكار CV ی خۆی بۆ ئەم ئیمه‌یلە بنێرێت:
jobs@mhe-krg. org

دوا كات بۆ وه‌رگرتنی داواكارییه‌كان تا 8/15/ 2010 ده‌بێت.

وه‌زاره‌تی خوێندنی باڵاو توێژینه‌وه‌ی زانستی‌